Sunday, July 17, 2011

BANDAKKA (LADIES FINGERS / OKRA) SAMBOL

Ingredients

200g bandakka (ladies fingers/okra)
salt to taste
2-3 tsp lime juice
2 green chillies chopped
1 big onion chopped
1/2 tsp pepper powder

Method

1. Boil or steam bandakka (ladies fingers/okra) till cooked but firm
2. Slice into thin pieces
3. Mix all the ingredients, add to the boiled bandakka (ladies fingers/okra) and mix well


Sri lankan Bandakka/Okra Sambol recipe

Tuesday, July 12, 2011

'Siyabala' Sauce



මේ වගේ කෑමක් කන්න අනිවාර්යයෙන් සෝස් ටිකක් ඕනෙමනේ!! සමහරුන්ට නම් බත් කන්නත් සෝස් ඕනේ!
වෙළදපොලේ තියන සෝස් වර්ග වල විනාකිරි වැඩි වශයෙන් තියන නිසා සමහරුන්ට ඒවා කෑවහම එක්කො කටේ ගෙඩි! නැත්නම් ගැස්ට්‍රයිටිස්!!
ඒ මදිවට Colouring & Preservatives.

ඒ නිසා ඔය කිසිම ප්‍රශ්ණයක් නැතිව පොඩි එවුන්ට උනත් ඇති තරම් කන්න පුලුවන් සෝස් එකක් අද හදමු!! මේක හදන්නෙ සියඹලා වලින්! සියඹලා කියන්නෙ ආයුර්වේදයේ සදහන් වන විදියට ජීර්ණ පද්ධතියට දිව ඔසුවක්!! මළබද්ධය, අජීර්ණ වලට කියාපු බෙහෙතක්!! ඉන්දියාව, තායිලන්තය වගේ රට වල බහුලව සියඹලා භාවිතා වෙනවා!!


ලංකාවෙ වෙළදපලේ සොයා ගැනීම අපහසු වුවත් සමහර රට වල Tamarind Sauce තියනවා!!



සියඹලා ග්‍රෑම් 200ක් ගන්න.


ඇලුමිනියම් නොවන භාජනයකට දමා පැසෙන උණු වතුර සියඹලා වැසෙන පරිදි වත්කර පැයක් පමණ වසා තබන්න.


අතින් හො හැන්දකින් පොඩිකර උකු ද්‍රාවනයක් සාදා ගන්න.


කිරි ගොට්ටකින් පෙරා ගන්න. තේ පෙරන වලින් පෙරන්න එපා!!


මෙන්න මේ වගේ!



රතු මිරිස් කුඩු තේ හැදි 2
ගම්මිරිස් කුඩු තේ හැදි 1
සිහින්ව කපාගත් ඉගුරු හා සුදුලූනු තේ හැන්ද බැගින්
ලුණු කුඩු තේ හැදි 1/2ක්
කුරුදු, එනසාල්, කරාඹුනැටි, බේ ලීෆ් කුඩුකරගත් තේ හැදි 1/2ක්
සීනි ග්‍රෑම් 100ක් පමණ ( සියඹලා වල ඇඹුල් තත්වය මත මෙය වෙනස්වේ)


ඉගුරු සුදුලූනු කබලේ බැද ගන්න (තෙල් නැතිව)


ලුණු හා සීනි හැර ඉතිරි කුලුබඩු එක්කර විනාඩියක් බැද ගන්න.


සියඹලා ද්‍රාවනය එක්කරන්න. ලුණුද එක්කරන්න.


රස බලමින් ටික ටික සීනි එක්කර උතුරන තෙක් හොදින් හැදි ගාන්න.


ගින්දර අඩුකර සොස් මෙන් ඝණ වන තුරු හැදි ගාන්න. රස බලා අඩු පාඩු එක්කර ගන්න.


ලිප නිවා මදක් නිවෙන්න තබන්න.


ගෙදර තියෙන හිස් බොතල් සොදින් උණු වතුරෙන් සෝදා වේලාගෙන ඇතුලත ටිෂූ පේපර් එකකින් හොදින් පිස ගන්න.


බොතල් වලට වත්කර පියන ඇර නිවෙන්න තබන්න.



හොදටම නිවුන පසු මූඩිය තදකර ශීත කරනයේ තබා ප්‍රයෝජනයට ගන්න.

Thursday, June 30, 2011

Deviled Chicken

අවශ්‍ය දේවල් -


තරමක කැබලි ලෙස කපාගත් කටු සහිත කුකුල් මස් ග්‍රෑම් 500ක්
තක්කාලි ගෙඩි 3-4ක්
මාලු මිරිස් හෝ බෙල් පෙපර් කරල් 2-3ක්
ලොකු බී ලූනු ගෙඩියක්
ඉගුරු හා සුදුලූනු
ලීක්ස් කද කොටසක්
දෙහි හෝ විනාකිරි මේස හැන්දක්
ගම්මිරිස් කුඩු තේ හැදි 2ක්
කෑලි මිරිස් තේහැදි 2ක්
ලුණු තේ හැදි 2ක්
සීනි මේස හැන්දක්
අජිනමොටෝ තේහැදි 1/2ක් (කැමති අයට පමණයි)
සෝයා සෝස් සහ සෙසමි ඔයිල්
කුකින් ඔයිල්


එක් තක්කාලි ගෙඩියක් සහ අනෙකුත් දේවල් රූපයේ පරිදි කැබලි කපා ගන්න.





ලුණු, ගම්මිරිස්, දෙහි හෝ විනාකිරි තේ හැන්ද බැගින් සහ සෝයා සෝස් මේස හැන්දක් එක්කර කුකුල් මස් ටික පදම් (seasoning) කරගන්න.


තෙල් මේස හැදි 4ක් පමණ ලිපතබා කුකුල් මස් ටික බැද ගන්න. බයිට් සදහා නම් තරමක් වැඩිපුර බැදගන්න. අවශ්‍ය කෙනෙකුට ගැඹුරු තෙලේ බැදගත හැකිය!! තෙල් ගණන් නිසා ගෙදර අයගෙන් බැණුම් නොඅසා මෙළෙස බැද ගානීම වඩා අරපිරිමැසුම්දායකය!!


‍ඉවතට ගෙන තෙල් බේරෙන්න හරින්න.


තෙල් මේස හැදි 2-3ක ඉගුරු සුදුලූනු බැදගන්න.


ඉතිරි තක්කාලි ගෙඩි 2-3 බ්ලෙන්ඩ් කර එක්කරන්න. එසේ නැතිනම් Tomato Puree 0r Tomato Sauce මේස හැදි 4-5ක් වුවද යොදාගත හැකිය.
දැන් කෑලි මිරිස් තේහැදි 2, ගම්මිරිස් හා ලුණු, තේ හැන්ද බැගින්, විනාකිරි හෝ දෙහි,සෝයා සෝස් මේස හැන්දක්, සීනි සහ අජිනමෝටෝ එක්කර සෝස් එක විනාඩි 2-3ක් පිස ගන්න.
රස බලා ලුණු ඇඹුල් සහ සීනි අවශ්‍ය නම් එකතු කර ගන්න.


කපාගත් ලීක්ස් කද කොටස, බීලූනු සහ මාලු මිරිස් එක්කර විනාඩියක් පිසගන්න.


මෙන්න මේ වගේ.


බැදගත් කුකුල් මස් එක්කරන්න.
සෙසෙමි ඔයිල් බිංදු 3-4ක්ද එක් කරන්න.
බයිට් සදහා නොවේනම් පාන්පිටි තේ හැන්දක් එක්කර වතුර කොප්ප 1/2ක් එක්කරන්න.
එවිට බත් හෝ නූඩ්ල්ස් කෑම සදහා තරමක සෝස් / ග්‍රේවී එකක් ලැබේ.
විනාඩි 2ක් පමණ පිසගෙන කපාගත් තක්කාලි එක්කර ලිප නිවාගන්න.



--
>> http://janaka077.blogspot.com

Chilly Paste




අවශ්‍ය දෙවල්-

සෝදා සිහින්ව අඹරාගත් වියළි ඉස්සෝ හෝ කූනිස්සෝ මේස හැදි 2ක් පමණ
කෑලි මිරිස් මේස හැදි 4-5ක්
කුඩාවට කපාගත් ඉගුරු සුදුලූනු තේ හැන්ද බැගින්
ලුනු සහ ගම්මිරිස් තේ හැන්ද බැගින්
සීනි මේස හැදි 2ක් පමණ
සෝයා සෝස් හා තක්කාලි සෝස් මේස හැන්ද බැගින්
විනාකිරි හෝ දෙහි තේ හැදි 2ක්
‍කුකින් ඔයිල් මේස හැදි 3ක්


තෙල් ලිපතබා ඉගුරු සුදුලූනු සහ අඹරාගත් ඉස්සන් දමා දුඹුරු පාට වන තෙක් බැදගන්න.


කෑලි මිරිස් , ගම්මිරිස්, එක්කර විනාඩියක් බැදගන්න.
ලුණු. සෝයාසෝස්, තක්කාලි සෝස්, විනාකිරි හෝ දෙහි එක්කරන්න.



ලිපේ ගින්දර අඩුකර සීනි එක්කර සීනි දියවීමට පෙර ඩිනාඩියක් පමණ පිසගෙන ලිප නිවා වහාම වෙනත් භාජනයකට මාරු කරන්න.
නැතිනම් සීනි දියවී චිලි පේස්ට් එක ගල් වෙයි!!



වැඩි ප්‍රමාණය නිවුන පසු වියළි බෝතලයකට දමා ශීත කරණයේ සති 2-3ක් වුවද තබාගත හැකිය!!


Fired Rice


සිහින්ව කපා හෝ ග්‍රෙට් කරගත් කැරට් අලයක්
සිහින්ව කපාගත් ලීක්ස් හෝ ලූනු කොළ ස්වල්පයක්
සිහින්ව කපාගත් ඉගුරු හා සුදුලූනු තේහැදි 2 බැගින්
බිත්තර 2-3ක්
කුකින් ඔයිල් හෝ මාජරින් මේස හැදි 3ක්
ලුණු සහ ගම්මිරිස් තේ හැන්ද බැගින්
අජිනමොටෝ තේ හැදි 1/2ක් හෝ සුප් කැටයක් (කැමති අය සදහා පමණි)
සීනි තේ හැන්දක්
සෙසමි ඔයිල් ‍බිංදු 4-5ක්


මාජරින් හෝ තෙල් වල ඉගුරු සුදුලූනු බැද ගන්න.


කැරට් එක් කර විනාඩියක් බැද ගන්න.


කැරට් පසෙකට කර බිත්තර එක්කරන්න.


හොදින් කූරු ගාමින් බිත්තර කුඩා කැබලි සාදාගන්න.
ලුණු, ගම්මිරිස්, අජිනමොටෝ එක්කර ගන්න.
sea food හෝ Mix Fried Rice හදන අය තම්බාගෙන සිහින්වට කපා ගත්
මස්, මාලු, ඉස්සන්, දැල්ලන් හෝ සොසේජස් එක් කරන්න.


ලීක්ස් හෝ ලූනු කොළ අන්තිමට එක්කර වහාම බත්ද එක්කරන්න.


පිසගත් බත් (හාල් කෝප්ප 2ක පමණ) එකතු කරන්න. සීනි සහ සෙ‍සමි ඔයිල් එක් කරන්න.
මස් හෝ ඉස්සන් තම්බාගත් වතුරෙන් (stock ) බත් උයාගත හැකිනම් රසයෙන් ඉහලය!!


--
>> http://janaka077.blogspot.com

Wednesday, June 29, 2011

Malu Abul Thiyal

[Main Source - From Elakiri]

මේ සදහා යෝග්‍ය වන්නේ
කුට්ටි මාලු (ලොකු කැපූ මාලු) ගන්න වනම්...
කෙලවල්ලා
බලයා
ඉරටවල්ලා

කුඩා මාලුනම්..
ඇට වල්ලා
අලගොඩුවා
කුම්බලාවා
හුරුල්ලා
සුරා පරවි

මට නම් වඩා රස කුඩා මාලු තමා!!!
ඒනිසා මම ගත්තෙ කුම්බලා‍වා මාලු ග්‍රෑම් 750 ක්!!



මුලින් මාලු කූරි පිටින් වරක් සෝදා කොරපොතු හා වරල් ඉවත් කරගන්න!!



ඉන්පසු මේ ආකාරයට හිස සහ බඩ කපා ඉවත් කරන්න.


දැන් නැවත කීප විටක් හොදින් සෝදා ගන්න.



පසුව පෙන්ද කපා ඉවත් කර මාලුවෙක් කෑලි 2-3 කට කපා ගන්න.



අවශ්‍ය ද්‍රව්‍ය-

ගොරකා ‍කුඩු තේහැදි 4ක්
හෝ අඹරාගත් ගොරකා (පලු 6-7ක්)
ගම්මිරිස් කුඩු තේ හැදි 3-4ක්
ලුණු තේ හැන්දක්
රම්පෙ හා කරපිංචා



පතුල පැතලි ඉඩ ඇති ඇතිලියක් ගෙන රම්පෙ කොළ කීපයක් අතුරා ගන්න.
ඉන්පසු මාලු කැබලි එක එක ඒ මත අතුරන්න.



කරපිංචා, ගම්මිරිස් කුඩු හා ලුණු එක්කරන්න.



වතුරේ දියකරගත් ගොරකා සෙමෙන් දමන්න. අඩියේම ඉතිරිවන ටික දමන්න එපා වැලි තිබිය හැකියි!!





මේ විදියට අන්තිමට වතුර කෝප්ප 1/2ක් පමණ දමන්න. ශීතකරණයේ තිබූ මාලුනම් වතුර අඩුවෙන් දමන්න!!



කෙසෙල් කොලයක් උඩින් දමා පියන වසා මධ්‍යම ප්‍රමාණයේ ගින්දරේ වතුර උතුරා භාගයක් පමණ හිදෙන තුරු තබා ගින්දර හොදටම අඩු කර පිසින්න!!


(මේ කොටස ප්‍රෙෂර් කුකර් සදහා පමණී)


ප්‍රෙෂර් කුකරයක් ඇත්නම් එහි අඩියට වතුර අගලක් පමණ දාමා ඒමත උස යමක් තබා වෙනත් භාජනයක තැබූ මාලු තබන්න. දැන් පියන වසා පැය 1/2ක් පමණ විස්ලින් යවන්න!! පසුව ‍එළියට ගෙන වලදකට දමා ලිපේ තබා හින්දා ගන්න!!



දැන් කෙසෙල් කොලය ඉවත් කර සෙමෙන් පිසින්න!!



වතුර සියල්ල හිදී ගොස් පතුල වියළි වන තෙක් ඉතා අඩු ගින්දරේ තබන්න. කිසිවිටෙකත් හැදිගෑම, පෙරළීම අව්‍ශ්‍ය නොවේ.



අන්තිමට මේ වගේ!! වතුර රහිත වියළි හැන්දක් භාවිතා කර දින 2-3ක් නරක් නොවී ශීතකරණයෙන් තොරව තබා ගන්න පුලුවන්!!